Takorabt.net

Mačči d amsebrid i irefden

D abrid i irefden amsebrid

Aniwa akka yessawalen abrid abrid

 

I d-yessawlen d nekkini

Σyiγ kkawen ifadden

Ad am-iniγ ihi efk-iyi

Cwiṭ n waman isemmaḍen

 

Steεfu dihin i tili

Ad ak-awiγ i k-iεeğben

Ma tebγiḍ yella imekli

Ulac d acu ara ad k-ixaṣṣen

 

Lefhama-m terna fell-am

Akken i ḥnined a yelli

Mel-iyi di leεnaya-m

Ur teffer acemma fell-i

Isefra-nni anisa i m-d-kkan

Wi i m-islemden anect-nni

Leğruḥ mi i m-d-slan ḥlan

Wama fad iruḥ fell-i

 

Isefra-nneγ d asiwel

Mmalen abrid i w in ur t-nessin

I uderγal ad imuqqel

Win yeṭṭsen ad t-ssakin

Yes-sen rẓent snasel

Yen-sen leḥbas ldin

D nutni i d ddwa leεqel

Mudden afus i win yeγlin

 

Stidet zeddig wul-im

Mennaγ-d a win ad kem-yawin

Ad tiliḍ yid-s d lemri

Ur ittlaẓ ur ittheggi aεwin

Yef aman ur yettnadi

Tiṭ d wul ad am-inin

Yya-d ad tedduḍ yid-i

 

Iḥemmel wul win i t-iḥemmlen

Yeggul yid-s ur yeḍi

Alama yebḍa-yaγ lekfen

Winna d lweεd n ṛebbi

Гas limer d si Muḥ ḥend

I d-yessawlen yid-s ur ddiγ sani

Anaγ imahat d win iγef d-dhiḍ

Yid-s tegguleḍ ur teddiḍ

I yellan yid-m tura

 

Si Muḥ u Mḥend

D neck i d si Muḥ u Mḥend

 

Si Muḥ u Mḥend, Si Muḥ u Mḥend

D netta i yellan yed-i

D netta iyi-d-iheddren

Mmi-s n yemdanen lεali

Amedyaz n yimaziγen

Isefra-s aniwa ur asen-nesli

Tura d neck i yeffuden

D nnuba-nneγ ad ak-nini

Ffi-yaγ-d kra deg-sen