Takorabt.net
Le nouveau site du Village Takorabt
Abrid Abrid par: Hmed Lehlu
Hmed Lehlu
- AMSEBRID
Гef yidra-m walaγ arrac leḥḥun
Tifexsa deg yeḍarren-nsen
Nniγ-asen: a wi yesteεfun
Deg yifadden a wi kem-yesεun
A wi yeskiwen asawen
Ma deg wul-iw ḥemmleγ-kem
Гef yidra-m
Walaγ abrid d ameεfun
Ḥṣiγ εeddan igerfiwen
Walaγ lḥif yesmuγbun
Yeddaray deg yisennanen
Yeggra-d leğhel d aεeggun
Yezzuγur iderγalen
Гef yidra-m
Walaγ imeddukal ttrun
Ijeğğegen deg yifssen-nsen
A taṛwiḥt a wi i m-yeḥkun
A lğerḥ, aqraḥ-ik q wi i k-t-isεerḍen
A ddunit, a wi i m-yestufun
Di lğennet n wul ḥemmleγ-kem
Гef yidra-m
Walaγ amqerqur n umdun
Yettεayaṛ deg yezgaren
Walaγ i uzaglu kennun
Ma deg yiles d izmawen
Walaγ ilfan tthummum
Ttlummun wi ara εefsen
Taqlaḍt ibeges-itt uqjun
Ittḥadar γef wid i t-ixenqen
Σawzen wuccanen ttargun
Ad tt-awin d imeksawen
Kra yellan d anezgum
D izimer i t-ittlemmimen
Mi kkren yefrax sd ccnun
Ad d-jbun iṣeggaden
Gar-aneγ uguren gemmun
Ma seg wul-iw ḥemmleγ-kem
Гef yidra-m
Walaγ ddren ttwattun
Anef εad wid yemmuten
Ccwi kan idurar ceffun
Yerna ur ttmettaten
I walaγ wi ara ad yessfrun
Ur ssawḍen wawalen
Tidet tεedda lemεun
Ma seg wul-iw Hemmleγ-kem
Гef yidra-m
Ddiγ azal d yiḍ
Uliγ anect yellan d asawen
Ama d aẓγel ama d asemmiḍ
Ama ifadden kkawen
I tikli-w d abrid tessiḍ
Deg wul-iw d kemm i itessen
Ul-iw d kemm I yessen
Гef yidra-m
Гef yidra-m
Nniγ, akken i kem-telliḍ
Ssekneγ-d leğreḥ I kem-yeqqsen
Ssuliγ-d iṭij iγef teγliḍ
Ssaγeγ-t-id deg wawalwn
Snefleγ-d rεud n lγiḍ
D asirem i d-ittenγalen
Ula deg tirga-w teẓriḍ
Гef yidra-m i d-leddint wallen
Гef yidra-m.