Takorabt.net

I kečč a Lwennas

D wid yettaččaren lkas

I wid ifuden ilḥeq

 

Ma yettawi-d isefra Ṛebbi

Ma s tmaziγt kan ara ten-id- yettawi

Neγ yel tutlayt ad as-yefk lḥeq

Ma ad yessefray γef tayri

Ma ad yesefray γef tlelli

Neγ yal itri ad yesεu lḥeq

Imaziγen qqaren-d ihi:

Nella nettili ad nili

Neγ timuzγa d amur n lḥeq

D iṭij-nni ur iγellin

 

Ur iγelli wayen iγef γellin

Wid iγellin γef lḥaq

Ur ten-seεyayent tsawnin

Ur ten-ttqerriεent tseγliyin

Wid i d-yettbeεziqen s lḥeq

Ur ten-neqqent terṣaṣin

Ger ugdud lebda ttilin

Wid irehnen tallit i lḥeq

D tidet mačči d aγuṛṛu

Ma nettu-ten d aγuṛṛu

Ad ten-id-nettader deg lḥeq

D amennuγ ur nlemmu

D aman yesgamayen lḥeq

Ur ten-yessergagay waḍu

Deg-sen i d-itekk waḍu

Aḍu i d-igellun s lḥeq

Ur ten-yesderγil wagu

Ur ten-yettseḥḥir lellu

Wid wilan taft n lḥeq

D nutni Iiaẓaṛ n lḥeq

D nuttni id tafsut n lḥeq

Ayen i nessaram nettargu

Qqaren-t-id war akukry

S lḥeq azekka ad t-nelḥeq.