Takorabt.net

Asefru mačči d awal kan

Asefru d awal d fell-as awal

Asefru d asiwel ɣer tayri

D asiwel ɣer cbaḥa s wayen icebḥen

Asefru d awal n tlelli yerna yecbeḥ

Asefru d tiɣri n win yeɣlin

Yettawḍen wid ibedden

D tiɣri n wid yemmuten

I wumi sellen wid yeddren

D tiyri n yiẓuran i tlemmast n wulawen

D tiyri n yiẓuran i wulawen n waxfiwen

D asuɣu ɣef win iεefsen

D win iwalan yenkeṛ

Asefru d awal deg tetteǧǧiǧ tafat

Mačči d awal yumsen

D awal yeṛwan asirem

Mačči d imeṭṭi neɣ d asmuɣben

Mačči d zzux neɣ d asewhem

D awal zeddigen

D awal ideg tella tmussni i d-teccef tidi

Yerna ur yessin asteεfu

Yal tallit yid-s iteddu

Yal tamurt ɣur-s ad yerzu

Ad yidir akk gar-asen.